O ČOR THAJ O HER
Duj čora dikhle jekhe čorore manuse sar phirela jekhe herea. Ko adava vakti, jek taro čora phengja pe amaleske: E ,,Ka čorav e here, a leskere Salibe ka kerav dilino. Atte dži ko her, pohari ikalgja lestar o selo, koleja sine phanlo, taro šero thaj čhivgja le peske ki men, džikote leskoro amal sigate ingargja here. O čororo manuš kana irangja pe thaj dikhlja kaj ko hereskoro than cidela manuše, ačhilo bizo lafi.
Kova sijan tu?” pučlja o čororo. ,Me sijum 18 her” dengja le džovapi o čor. ,Jekh dive angleder but berša, me but piljum thaj margjum me daja.Mi daj čhingargja dzi ko Devel thaj rodingja lestar te kerel man her. O Devel čače man kergja her. But bersa palo adava me tuke kergjum buti șar her.
Mi daj kana phurili thaj bạs sine lake pharo ko viloymange, i arman manglja te našalgjo – vel. Thaj akhe akana sijum pale manus.” O čororo kana Šungja sa akava, mukhlja e manuše te džal peske, vakerindor leske: , Ov sasto so kanljan man thaj afiker mange so dengjum tu phari buti.”
Khere, o čororo manuš, aviło bizo te pakjal peske kaj thaj asavki buti šaj te ovel. Pala nekobor dive, o čororo gelo ko kurko te kinel peske here. Kana adari so te dikhel! Leskoro her biknela pe. Dikhlja le šukar thaj kana pakjandilo kaj adava si čače leskoro her, avilo dzi leste thaj vakergja leske: Tu čače sijan but bilačho manus. Pale margjan te daja ? Numa, džan kaj panda jekhfar me na kinava tu!”
