O PHURO THAJ LESKERE ČHAVESKORO ČHAVO
Sine peske jekhfar jekh phuro manuš. Na dikhela sine šukar, a leskere vasta khelena sine sar o patrina ki balval. Adaleske ov nasti sine te ikerel i roj thaj te hal. Sa o habe chorela sine upral peste thaj upral o kilimi. Leskoro čhavo thaj i bori holjanena sine leske so chorela o habe. Adaleske čhivena sine leske te hal taro phuvjakoro čaro ki jekh besli ko agor.
Ov dikhela sine len duraldan sar hana ki sofra. Jekhfar, džikote hala sine, pelo lestar taro vasta e phuv- jakoro čaro thaj phagilo. Javer dive, dengje le kašteskoro čaro kova so našti te phagjol. Palo disavo vakti, džikote O phuro hala sine ko agor, dikhle pumare čhave sar kerela diso taro kaš. Pučle le so kerela.
Ov phengja lenge kaj kerela kopana taro kaš, kolatar ola ka han kana ka phujroven. O rom thaj i romni lolile tari ladž. Čhivgje e phure ki sofra te hal. Nikana pobuter na holjanena sine upral o phuro, thajako ov thaj ponadari čhorela sine i zumi upral peste thaj upral o kilimi.
